KABATAAN PARTYLIST Eastern Visayas

2009-05-15T06:39:00.000-07:00

KABATAAN PARTYLIST Eastern Visayas
Regional Coordinating Office: 275 Delgado Compound, Real Street, Tacloban City, Philippines
www.kabataanpartylist.com || email: kabataanpartylist.ev@gmail.com
kabataanpartylistev.blogspot.com

Kabataan Partylist’s We Are Change campaign calls on youth to register now; guard polls from dirty maneuvers

After an earlier launching of Kabataan Partylist’s We Are Change voters' registration campaign in Eastern Visayas, Kabataan reechoes “call” for the youth to register and take proactive action to secure poll preparation against possible attempts of fraud, and even terrorism.

Jebri Gil Sida, regional chairperson of Kabataan Partylist, commented on the alleged ‘fixing’ seen over YouTube where a COMELEC Special Bids and Awards Committee member is imputed being a party. “While mobilizing young people to register for polls is crucial for re-shaping the present socio-political landscape, the youth, as early as now, should give a watchful eye on safeguarding the whole electoral conduct, from poll preparation to actual vote canvassing.”

“It is important that even at the ‘early stage’ of COMELEC’s preparation, the youth should be extra-vigilant in ensuring it is open, transparent, and truly participative. Young people can most effectively play its own role in socio-political actions if they are fully aware of how they can help guard the whole electoral process. That is why we included voters’ education in this campaign,” he said.

We Are Change seeks to launch projects that will not only engage in voters’ registration projects but will also tackle on voters’ education and importance of poll watch. “Our one-year countdown to 2010 marks a more intensified campaign for CHANGE. We are warning anybody who wishes to undermine the transparent conduct of the election to back off. The youth is on the guard,” he said.

Meanwhile, Kabataan party-list Rep. Mong Palatino, in a statement, said “we are aware of numerous initiatives by various sectors to launch voters’ awareness and education projects and we express our desire to cooperate with them."

Kabataan Partylist is the only representative of the youth sector in Congress. We Are Change 2010 is an electoral advocacy of Kabataan. It engages in voters’ registration, voters’ education and poll watch.

Reference:

Jebri Gil Sida
Regional Chairperson
Kabataan Partylist EV
jebrigil@gmail.com

KITA AN PAGBABAG-O Campaign! (WE ARE CHANGE Campaign!)

2009-05-06T00:59:00.000-07:00

Kabataan, Tayo ang Pagbabago!

Buuin ang Magandang Bukas, Magparehistro para Bumoto!

Ang sabi nila, wala na tayong magagawa. Wala na daw magbabago. Wala na daw tayong ibang pagpipilian kung hindi ang magtiis sa kasalukuyang bulok na kaayusan. Matuto na lamang daw tayong sikmurain ang kanilang pangungurakot at kasinungalingan.

Ang sabi nila, kalokohan lang daw ang ating mga pangarap para sa mas magandang bukas. Aksaya lang daw ng panahon ang pagkilos para sa pagbabago.

Ngayong eleksyon papatunayan nating maling mali sila. Bubuo tayo ng isang kwento ng pagbabago. Isang kasaysayan ng kung paano, sa gitna ng karimlan, patuloy tayong nangarap at nanindigan. At kung paano natin nakilala ang ating sarili, naintindihan ang ating papel, at napuspos ang ating kolektibong kapangyarihan para masakatuparan ang pangarap na ito para sa bayan at sa susunod na mga henerasyon.

Boboto tayo para sa pagbabago.

Boboto tayo para sa kinabukasan.

Yayanigin natin ang halalang ito ng isang makasaysayang paglalahad ng ating pagkakaisa at paninindigan para sa pagbabago.

Hindi na tayo madadaan sa pambobola at panloloko. Hindi na tayo magpapainsulto at papayag na isantabi na lamang pagkatapos pangakuan at matapos gamitin sa mga kampanya at islogan. Titiyakin natin ang ating tinig sa lipunan at para sa pagbabago. At titiyakin natin na bago, habang, at pagkatapos ng eleksyon, kikilalanin tayo, ang ating mga pagnanais at kagalingan, ang ating boses sa lipunan.

Alam natin na bulok at marahas ang halalan. Pero hindi tayo magpapadaig sa mga kaganidan at kasamaan. Bawat boto natin ay pahayag ng ating pagkakaisa at paninidigan. Magbabantay tayo at titiyaking mabibilang ang bawat isa rito. Higit sa araw ng halalan ang hinahangad nating bukas, pero mahalagang pagkakataon itong sasamantalahin natin tungo sa higit pang pagkilos sa hinaharap.

Magparehistro!

Titiyakin natin na ang mga Kabataan sa buong bansa na magparehistro para sa halalan sa 2010.

Sinumang kwalipikado ay dapat nating hikayating makapagparehistro. Karapatan nila ito!

You are qualified if you are:

è a Filipino citizen

è at least eighteen (18) year old on or before election day

è has resided in the Philippines for at least one (1) year and in the place wherein you propose to vote for at least six (6) months immediately preceding the election; and,

è not otherwise disqualified by law, such as:

è any person who has been sentenced by final judgment to suffer imprisonment of not less than one (1) year;

è Any person adjudged by final judgment of having committed crimes such as rebellion, sedition, violation of the firearms law and against national security;

è Insane or incompetent person as declared by competent authority.

Simple lamang ang proseso ng pagpaparehistro.

è Pumunta sa Election Officer (EO) dala ang valid ID. Kumuha ng registration forms.

è Ipasa ang form na may tirahan. Ipaverify ang tirahan sa EO. Bibigyan ng forms.

è Ifill-up at ipasa ang registration forms.

è Susumpa. Magpakuha ng litrato, thumbmark at iba pang kailangang detalye.

è That’s it! Hintayin ang pabatid ng COMELEC at alamin na kung saang presinto ka boboto.

Sama-sama tayo!

Titipunin natin ang iba’t ibang mga organisasyon, grupo, indibidwal sa mga komunidad, paaralan at mga tipunan ng mga kabataan para magtulungan sa pag-abot sa pinakamaraming bilang ng kapwa kabataan at mamamayan.

Ipalalaganap ang pag-anyaya at halaga ng paglahok at pagpaparehistro. Maglabas ng iba’t ibang materyal para sa pagpapalaganap ng paanyaya.

Hihikayatin ang mga organisasyon, barkada, samahan, at pinakamarami na pumunta sa mga opsina ng COMELEC para magparehistro. Gagawa ng paraan para maging madali at masaya ang barkada trips.

Maglulunsad ng sattelite registration sa mga komunidad, paaralan, at tipunan ng mga kabataan. Makipag-ugnayan sa COMELEC at barangay at papuntahin ang pinakamarami.

Tutulong sa pagkalap ng pondo, materyales at mga makakatulong ng mga gamit at rekurso para sa kampanya.

Bubuuin natin ang bukas, ngayon!

Mahalaga ang bakasyon para sa maramihang pagpaparehistro. Sa kabila ng ating apila, nananatiling Oktubre 31 na lamang ang deadline sa pagpaparehistro ng mga kabataan.

Kaya titiyakin natin na tayo ay maging maagap, masigasig at epektibo!

Tayo ang Kabataan, at TAYO ANG PAGBABAGO!

Magparehistro! Boto para sa pagbabago—Kabataan!

###

pahayag

2009-05-05T20:51:00.000-07:00

EV REGIONAL OFFICE:

275 Real Street, Delgado Compound, Tacloban City

EMAIL: kabataanpartylist.ev@gmail.com / kabataanpartylist_ev@yahoo.com

Kundenahin ang panggigipit at pandarahas ng rehimeng US-Arroyo sa KABATAAN! Suportahan at isulong ang panawagan ng TACLOBAN 27!

MATAPOS salubungin ng martsa-protesta ang pagbisita ni Gng. Gloria Macapagal-Arroyo sa Leyte nitong Abril 28, 27 mula sa hanay ng mga nagprotesta ang arbitraryong pinagdadampot at ikinulong ng pinagsamang pwersa ng Tacloban City Police, Special Weapons and Tactics (SWAT) ng PNP kasama ang ilan nilang Intelligence Operatives.

Ilan sa mga inaresto at ikinulong ay ang dalawang myembro ng KABATAAN Partylist Eastern Visayas na sina Jebri Gil Sida, 19, at Kenneth Tiu, 22, kasama ang 25 iba pa. Mayorya sa mga inaresto ay mga kabataang nasa edad 18-30. Agad namang kinondena ni KABATAAN Partylist Regional Chairperson Jebri Gil Sida ang karahasang ginamit ng mga pulis para buwagin ang hanay ng mga nagpoprotesta.

Ani Sida, ”mariing kinokondena ng partidong KABATAAN ang nasaksihang marahas at brutal na dispersal sa isinagawang mapayapang pagtitipon ng mga dumalo. Sa hindi makataong pagdadala ng mga pulis sa amin, hindi simpleng karahasan ang namalas ng publiko kundi isang malaking kumpirmasyon sa umiiral na palisiya ni Gloria Arroyo na sistematikong supilin ang sinumang taliwas sa interes niya at ng kanyang among US.”

Kasama ng Bagong Alyansang Makabayan (BAYAN) Eastern Visayas, at iba pang mga progresibong Partylist ng Bayan Muna, Anakpawis, Gabriela, at Courage, nakimartsa ang bulto ng kabataan para isulong ang kahilingan ng kabataang sektor. Ipinakita rin ng KABATAAN ang mahigpit na suporta nito sa demanda at isyu ng mga magsasaka sa kanayunan, maging ng mga manggagawa at empleyadong nasa kalunsuran.

Bandang umaga ng Abril 28, nagmartsa sa mga lansangan ng Tacloban City ang humigit-kumulang 80 katao upang tutulan ang “kawalang pakialam ng adminstrasyong Arroyo sa mga lehitimong panawagan ng bayan para sa nasyunal na industriyalisasyon, tunay na repormang agraryo, libreng edukasyon, maayos na sistema ng pabahay, pangkalusugan at ng maayos, epektibo at episyenteng pagbibigay ng serbisyong panlipunan sa mamamayan.”

Karagdagan pa ni Sida, “sa loob ng mahigit walong taon na pagmamaniobra sa pamahalaan ni Arroyo, walang mabuting napala ang kabataan kundi ang patuloy na pagdarahop ng mga batayang panlipunang sektor at ang patuloy na pagdausdos ng kabuhayan ng mga tinaguriang middle class. Walang sinapatan ang walong taon ni Arroyo kundi ang panahon para maramdaman ng bayan ang pandaigdigang krisis dulot ng neoliberal na globalisasyon.”

”Ang panawagan para sa pagsasabatas ng Genuine Agrarian Reform Bill (GARB) ay parehong isinisigaw ng kabataang magsasaka. Maging ang demanda ng mga manggagawa para sa accross-the board, nationwide 125 wage increase na pasahod ay isyu rin ng mga kabataang manggagawa,” aniya.

Sa pagpapaupo sa kauna-unahang kinatawan sa Konggreso mula sa sektor ng Kabataan na si Rep. Mong Palatino, ipinangako nitong susuportahan ng kabataan ang mga panawagan ng tinaguriang Tacloban 27—sa labas man o sa loob ng Konggreso. Sa puntong ito, nilinaw ni Sida na ang pakikibaka ng kabataang Pilipino ay hindi dapat na ihiwalay sa pakikibaka ng manggagawa at magsasakang sektor.

Samantala, marahas mang binuwag ang naunang isinagawang pagtitipon, nagawa pa rin ng mga inarestong demonstrador na isagawa ang pangalawa matapos itong sumabay sa mga delegadong nagsasagawa rin ng martsa malapit lang sa Tacloban City Police Station. Ipinagpatuloy ng mahigit 70 myembro ng BAYAN at iba pang Partylist ang martsa-rally hanggang sa makalapit sila sa Leyte Sports Development Center kung saan nagbibigay-pahayag si Arroyo.

Sa ngayon, inihahanda na ng grupong BAYAN at Kabataan Partylist ang mga kasong isasampa kontra PNP.